Маркийн музейд Монгол Улсын 1924 онд гүйлгээнд гаргасан “Элдэв-Очир” хэмээх анхны маркаас эхлэн 1100 гаруй сэдвээр 4300 орчим бүх маркийг он цагийн дагуу ангилан байрлуулсны зэрэгцээ, 150 гаруй анхны өдрийн дугтуй, 35 төрлийн хуучны дугтуй, 17 төрлийн анхны ил захидлууд, картмаксимум, хэд хэдэн ховор дугтуйнуудыг дэлгэн харуулсан болно.
 
         Эрхэм та маркийн музейг сонирхон үзсэнээр өөрийн улсын шуудангийн маркийн нэр төрөл, загвар хийц, Монголын эзэнт гүрний үеэс шинэ монголын түүх соёл, байгаль амьтан, ургамал, урлаг спорт, хөгжил дэвшилтэй танилцахын зэрэгцээ дэлхийн болон бусад улс орны түүх соёлтой нэгэн адил танилцаж болно.