Мэргэжлийн хүртээмжтэй үйлчилгээгээр дамжуулж нийгэм эдийн засгийн тогтвортой хөгжилд хувь нэмэр оруулах нь бидний эрхэм зорилго мөн.
Үүсэл хөгжлөөрөө дэлхийн шуудан холбооны түүхэнд анхдагч тэргүүн зэргийн харилцаа холбооны нэгэн төрөлд тооцогддог билээ.
Монгол улс дэлхийн асар өргөн уудам нутгийг эзлэн оршин байсан үед буюу 1228-1241 онд Монголын эзэнт гүрний хаан ширээнд сууж байсан Чингис хааны гуравдугаар хөвгүүн Өгэдэй мэдээлэгч, захирагч нарыг бий болгон, морин өртөө байгуулсан нь шуудан харилцааны хувьд уургын улааг халж, мэдээлэл харилцаа дамжуулах сүлжээг үүсгэн байгуулсан томоохон дэвшил болжээ.
Өртөө нь улам боловсронгуй болон хөгжсөөр ирсэн бөгөөд Ардын хувьсгал мандсан 1921 оны 07 дугаар сарын 19-нд Ардын засгийн тэргүүлэгчдийн 6-р хурлын тогтоолоор Монгол улсын шуудан бичиг, Цахилгаан мэдээний ерөнхий хороог байгуулсан нь одоогийн "Монгол Шуудан" Хувьцаат компани юм.
Өвөг дээдэс минь Их Монгол Улс хэмээх эзэнт гүрнийг байгуулсан цаг үеэс морин дэл дээр дарцаглан дэлхийн хагаст хүрч үйлчлэх "Өртөө" хэмээх шуудан холбооны тогтолцоог бий болгосон түүхэн баялаг туршлагатай ард түмэн билээ.
Үзүүргүй хязгаарт өртөөлөн хүргэх Монголын шуудангийн үйлчилгээ үе үеийнхээ шууданчдынхаа нөр их хөдөлмөрийн үр шимээр дэлхийн жишигтэй хөл нийлүүлэн алхаж хөгжлийнхөө шинэ шатанд хүрч цаашдын хөгжлийнхөө бодлого, зорилтыг тодорхойлон нэгэн зууны бахдам түүхийг үргэлжлүүлэн шилдэг боловсон хүчин, ухаалаг үйлчилгээ, тохилог орчинг бүрдүүлэн цахим шилжилтийг түүчээлэн дэлхийд тэргүүлсэн дижитал шуудан, хүргэлтийн компани болох зорилго тавин чанартай цогц үйлчилгээг хүн бүрт хүргэх зорилготой шууданчид маань эх орны 21 аймаг, 330 сум, 1200 баг, 201 орон түүний дотор шуудангийн хамгийн шуурхай хэлбэр буухиа шууданг 36 оронтой солилцох үйлчилгээг нэр төртэйгээр биелүүлж байна.
1200 баг
201 орон
21 аймаг
330 сум
Хүннү гүрнээс эхлэлтэй шуудангийн баялаг түүхийг бүтээхэд өөрийн мэдлэг чадвар, хүч хөдөлмөрөө зориулсан үе үеийн ахмад буурлууд, Монгол орны өнцөг булан бүрт ажиллаж амьдарч буй нийт шууданчид болон хамтран ажилладаг байгууллага, харилцагч, үйлчлүүлэгч нартаа чин сэтгэлийн талархал дэвшүүлье.
МУ-ын шуудан бичиг, цахилгаан мэдээний ерөнхий хороо байгуулагдав
Төв шуудан байгуулагдав
Шуудан Холбооны газар болж шинэчлэн байгуулав
Монгол Шуудан ТӨҮҮГ Дэд Бүтцийн Хөгжлийн Яамны харъяанд байгуулагдав
Монгол шуудан ХК болж, компанийн 34 хувиа МХБ дээр олон нийтэд арилжаалсан АНХНЫ төрийн өмчит компани
Монгол Шуудангийн 100 жилийн ой
